Cartel Revoltosa Rock 2010

EUKZ é un grupo de punk-rock creado en 1987 en Castellón. A súa traxectoria é das máis longas do panorama do rock estatal. A súa discografía consta de 15 traballos que ao longo destes 23 anos foron gañando a pulso unha boa morea de seguidores incondicionais, e sen dúbida a organización do RevoltosaRock está ateigada desta clase de individuos que lle dan o recoñecemento merecido a este grupo.

É un pracer para nós darvos a posibilidade de que gocedes de balde con EUKZ, pois como todxs sabedes a entrada ao RevoltosaRock é libre e gratuíta para todxs ao igual que a zona de acampada. Non hai escusa para que non nos vexamos o 2 de xullo no RevoltosaRock!

Podemos confirmar xa que o grupo asturiano Skama la rede estará no RevoltosaRock deste ano que se celebrará o día 2 de Xullo. Skama la rede é un grupo de Ska con influenzas Rock, Punk e Folk formado no 2003.

Quen asistiu ás pasadas edicións do festival xa coñece este estilo que tanto nos gusta na revoltosa e que trouxemos da man de grupos asturianos como Dixebra o ano pasado ou Skontra no 2009.

Deixamos como sempre unha pequena mostra para ir facendo ganas ;)

Non esquezades visitar a sua web para máis información: www.skamalarede.com

Boas Revoltos@s, se non vos apetece vir en coche, por eso de excederse, podedes vir en bus tedes os horarios en http://www.monbus.es/, hai buses dende Santiago e dende A Coruña.

Outra posibilidade e o tren, a estación queda 20 minutos do festival, podedes ir denda a estación o festival dando un pequeno paseo, e tan facil como coller o tren que teña parada en ordes (que non será ordes, xa que realmente a estación esta en Sta cruz de Montaos, sitio no que se fai o festival)